赤柱甲級監獄
葉繼歡，外號「大賊」，曾牽涉多宗持械行劫重案，是首名以AK-47步槍在香港犯案的悍匪，當年引發警方是否需要提升武器裝備的討論。葉在一九八四年犯案後被捕，判監16年，到一九八九年成功越柙，九一年間連環洗劫觀塘物華街五間金行，劫去近億元的金飾珠寶，葉更手持AK-47，掃射圍捕警員，此後被列為「頭號通緝犯」。一九九七年再潛回香港，在西環登陸後與巡警相遇，雙方發生槍戰，結果葉下身中彈，造成半身癱瘓，後來總計被判刑36年，現囚赤柱監獄。
葉繼歡有工人服侍
阿傑九九年被判罪成，被判入赤柱監獄，立即與當時同樣重囚在甲級監倉的葉繼歡熟絡。
「我哋都叫葉繼歡Full歡（葉繼歡獄中花名），因為佢係大佬，又有錢，又好大口氣，好鍾意同人講當年佢點樣揸槍啲威水史，又話如果佢唔係而家對腳有事，歷史就會改寫。但啲人如果問佢屋企人喺邊，係唔係仲收埋好多錢，佢就即刻發老脾，鬧到你狗血淋頭。」阿傑回憶，九九年初遇時，葉繼歡的腳患還未算嚴重，雖然坐在輪椅，但看來精神奕奕。
「嗰陣佢都去睇吓電視，同人吹吓水；有日我仲知道佢在獄中結婚（葉與內地妻子一直沒有在港正式註冊，○三年，育有一子一女的葉聲稱希望子女可以正式居港接受教育，二人在獄中正式結婚），嗰日成班阿sir無出聲，靜靜送佢去咗特別室，之後出返來，原來佢已經結婚。獄中當時傳聞話佢老婆似藝人姚樂怡咁話，我哋問佢，但佢笑到收唔到聲。後尾，佢對腳越來越差，話因為神經線受壓，每日打止痛針、食嗎啡，大髀全部貼滿膠貼，一個月出入醫院十幾次，個樣又老又瘦，真係好唔掂。」阿傑說，葉的脾氣因此愈來愈暴躁。
九八年，坐輪椅的葉繼歡在獄中還算精神奕奕，不過近年腳患纏身，連最基本的大小便都要工人扶持。
阿傑形容，葉繼歡近年因病患問題，連平日生活起居都有問題，需要獄中負責清潔的囚犯幫手。「佢真係病得好緊要，大小二便都搞唔掂，所以佢間房又臭又污糟，不過因為佢有錢，所以佢請了個大陸來的囚犯做佢工人，平日帶佢去廁所，幫佢清潔房間，出出入入幫吓佢打雜咁。據聞每個月喺出面叫人過錢俾呢個大陸仔的親人戶口，個大陸人亦樂於在獄中打工。」
他說，想不到當年曾經被形容為頭號通緝犯的葉繼歡，近年被腳患折磨到不似人形。「不過因為有錢，即使坐監
九七年，葉繼歡潛回香港，在西環登陸後與巡警相遇，雙方槍戰，結果葉下身中槍，醫護人員將他送院。
Source: http://forum5.hkgolden.com/view.aspx?type=SY&message=4278506
No comments:
Post a Comment