超人9代大晒冷 再見紅底褲

全球大人細路，冇人唔識嗰個著住藍色緊身衣、胸前頂著一個大S嘅漫畫英雄超人（Superman）。

最新嘅超人由新一代型男亨利卡維（Henry Cavill）飾演，但大家又記唔記得之前由1940年代第一代超人Kirk Alyn之外，仲有邊個演過超人？

大家就可以喺呢度回顧一下，當中有深入民心嘅，亦有已被觀眾淡忘，但佢哋永遠係正義嘅鋼鐵英雄。

《超人》原著漫畫於1938年正式在《Action Comics》登場，10年後首位真人版超人正式在黑白電影《Superman》中現身，美國演員Kirk Alyn膽粗粗接受挑戰擔起重任，當年接拍超人時已37歲。Kirk晚年罹患老人痴呆症，99年過世，享年88歲。

第二代：George Reeves身高1.85米，大件頭身型影響了後世超人漫畫的形象。可惜後來鬱鬱不得志，有指他1959年舉槍自盡，終年45歲。

第三代：基斯杜化李夫（Christopher Reeve），超人系列中最深入民心的，獲公認為歷代最靚仔的超人。95年騎馬時摔傷後，頭部以下部位全都失去了知覺，04年因心臟病發逝世。

第四代：來自北卡羅萊納州的John Haymes Newton，22歲處男下海演出88年的美劇《Superboy》，飾演年輕版超人。John自此仍活動電視圈，曾演出《靚太唔易做》（Desperate Housewives）。

第五代：Gerard Christopher代替John Haymes Newton扮演年輕版超人，他當時已30歲，後來更參與劇集的監製及編劇工作。

第六代：狄恩肯恩（Dean Cain），於93至97年美國劇集《超人》（Lois and Clark: The New Adventures of Superman）扮演超人，可是狄恩之後半紅不黑。

第七代：湯威靈（Tom Welling），在《超人前傳》（Smallville）劇集中做足10年，不過此劇走寫實風格，主角不會以一貫的超人形象示人。

班頓羅夫（Brandon Routh）是第八代超人，其實這個reboot版本拍得不差，可是票房未達電影公司預期，班頓撈極都撈唔起。

新一代超人的亨利卡維（Henry Cavill），是首位扮演超人的英國演員。

取自<蘋果日報>